சித்தாண்டி -மாவடிவேம்பு பத்திரகாளி அம்மன் ஆலய பாற்குட பவனி

சித்தாண்டி - மாவடிவேம்பு ஸ்ரீ பத்திரகாளி அம்மன் ஆலயத்தில்  திருக்கேதார கௌரி விரத பூஜை நிகழ்வுகள் இடம்பெற்று வருகின்றன. கேதார கௌரிவிரதத்தினைச் சிறப்பிக்குமுகமாக இன்று (10.11.2012) பாற்குட பவனி நிகழ்வு சிறப்பாக இடம்பெற்றது.


ஆலய அறங்காவலர் சபையினால் ஒழுங்கு செய்யப்பட்ட இந்நிகழ்வானது காலை 8.00 மணியளவில் சித்தாண்டி ஸ்ரீ சித்திரவேலாயுதர் ஆலயத்தில் இருந்து ஆரம்பித்து முருகன் கோவில் வீதி, பிரதான வீதி, காளிகோவில் வீதி என்பவற்றுக்கூடாக வந்து காலை 9.45 மணியளவில் ஸ்ரீ பத்திரகாளி அம்மன் ஆலயத்தை அடைந்தது.

பாற்குட பவனி நிகழ்வில் விரதத்தை அனுஸ்டிக்கும் பக்கத அடியார்கள், ஆலய அறங்காவலர் சபையினர், பொதுமக்கள் , ஆலய பூசகர்கள் கலந்து கொண்டனர்.
பாற்குட பவனி நிகழ்வை முன்னிட்டு ஆலய அலங்கரிப்புக் குழுவினர் காளிகோவில் வீதியினை சிறப்பாக அலங்கரித்திருந்தமையும் குறிப்பிடத்தக்கது.

(ஒளிப்படம் :- விமல்)

(குறிப்பு:- பாற்குட பவனியின் வீடியோ பதிவு கிடைத்தவுடன் விரைவில் அதனை நாம் எமது இணையத்தளத்தில் இணைப்போம். )