மட்டக்களப்பு மாவட்டத்தில் பிரதான வீதியை அடிப்படையாகக் கொண்டு கரையோரம் சார்ந்த பகுதியை எழுவான் கரை எனவும், பிரதான வீதிக்கு மறுபக்கத்தில் உள்ள பிரதேசங்களை படுவான் கரை எனவும் பொதுவாக அழைக்கின்றனர். மட்டக்களப்பு மாவட்டத்தின் விவசாயம் சார்ந்த உற்பத்திகளை தன்னகத்தே கொண்ட பகுதியாக இந்த படுவான் கரை பிரதேசம் காணப்படுகின்றனது. பட்டிப்பளை, கரடியனாறு, குடும்பிமலை, பேரில்லாவளி போன்ற பிரதேசங்கள் இந்த படுவான் கரை பிரதேசங்களுக்கு உதாரணமாகும். பொதுவாக இந்த படுவான் கரை பிரதேசங்கள் மனித அடர்த்தி குறைந்த பிரதேசங்களாகவுள்ள போதிலும், விவசாயத்திற்கு தேவையான சாதகமான நிலைமைகளையும் இயற்கை வளங்களையும் கொண்ட பகுதிகளாக காணப்படுகின்றது. மகிழவட்டவான் ஆறு, சந்தணமடுஆறு, முந்தணி ஆறு, வாவி ஆறு, மியான்கல் ஆறு, கோராவளி ஆறு என பல சிறிய பெரிய ஆறுகளை கொண்டதாகவும், குடும்பிமலை உட்பட்ட கன்றுகளையும் உயரங்குறை; மலைத்தொடர்களையும் மற்றும் காடகள் புல்வெளிகளையும் கொண்ட பகுதிகளாகவும் பல்வேறு விலங்குகளின் உறைவிடங்களாகவும் காணப்படுகின்றது.
கோரளைப் பற்று தெற்கு பிரதேச செயலாளர் பிரதேசத்pற்குள் அடங்ககின்ற ஒரு பிரதேசம் பேரில்லாவெளி ஆகும். இங்கு சித்தாண்டி, மாவெடிவெம்பு, கிரான், சந்திவெளி போன்ற பிரதேசங்களைச் சேர்;தவர்கள் நெல்வயல்களையும், மேட்டுநில விவசாய இடங்களையும் கொண்டுள்ளனர். இந்த பகுதியில் கூழாவடி எனும் ஒரு சிறிய மேட்டு நில விவசயா நிலத்தை அடிப்படையாகக் கொண்ட கிரமாமம் காணப்படுகின்றது.
இக்கிராமமானது தற்போது பாடசாலை, வைத்தியசாலை, வெதுப்பகம் போன்றவற்றை கொண்டுள்ளதுடன், மின்சார வசதிகளையும் கொண்டுள்ளன. இவற்றை விட சந்தை வசதியையும் கொண்டு காணப்படுகின்றது. இங்கு வாழ்பவர்கள் மேட்டு நில விவசாயத்தையும், நெற்பயிர்ச்செய்கையையும் தமது சீவயோபாய தொழில்களாகக் கொண்டுள்ளனர். தற்போது மழைவீழ்ச்சியில் ஏற்பட்ட மாற்றங்கள் இவர்களுடைய பயிhச்செய்கை நடவடிக்கைகயில் பாதிப்பை ஏற்படுத்தியுள்ளது. இங்கு வாழ்பவாகள் எதிர்நோக்குகின்ற சில பிரச்சினைகளை முன்கொண்டு வரும் நோக்குடனும் ஒரு கிராமத்தை மற்றவர்களையும் அறியச் செய்யும் முகமாக இந்த ஆக்கம் அமைகின்றது.
